Santa-Ana Computer Fasilita Studante Suco Tolu (3) iha Distrito Dili

 Rua : Cristo Rei, Manu-Mata, Bidau Santa-Ana (Sede Suco Bidau Santa-Ana nia Sorin)

Santa-Ana Computer (SC) (Studio Photographia no Rental Computador) Komesa existe iha dia 01 de Agosto de 2010, atu fasilita studante iha Suco tolu (Bidau Santa-Ana, Meti-Aut no Licedere).
Motiva ne'ebe mosu husi Dedi da Silva, no Filomeno Rodrigues wainhira hare Studante iha Suco tolu ne'e barak mak persija duni fatin atu fasilita sira nia aktifidade (liu-liu aktifidade ba iscola nian), ne'ebe persija media hanesan komputador hodi halo'o sira nia knar nudar studante. Ne'e duni hare'e ba opurtinidade ida ne'e SC mosu no fo'o kontribui, mesmu la barak maibe bele ajuda netik studante iha suco tolu ne'e nia persija.
Agora dadauk SC hahu, maibe se'i falta no fraku iha equpamentos, Ba futuru SC fiar katak se'i sai hanesan fatin importante ba Studante nia persija, la'os husi Suco tolu ne'e deit, maibe sei fasilita iha Distrito Dili laran tomak.

SC servisu hamutuk ho Concelho do Suco no Joven Bidau Santa-Ana ho nia aktividade Social Responsability fo'o ona nia antensaun ba Studante / Joven iha Suco Bidau Santa-Ana liu husi Kursu ingles gratis (komesa iha dia 01 de agosto de 2010) ne'ebe sei hahu to fulan 3 (Suporta husi Team Sol's) no se'i kontinua ho kursu komputador gratis (sei hein kompleta fasilita komputador).

SC ho Joven Hamos Fatin (Aktifidade Kursu)

Hare ba aktividade ne'ebe hahu ona, Studante / Joven barak maka tau antusiasmu bo'ot, mesmu fatin mak sedauk representante, maibe ba futuru katak fatin laos sai hanesan problema tanba Joven Santa-Ana hetan ajuda ona husi Amu Sico (Itali) ne'ebe atu Hari'i (renova) Fatin Centru ba Joventude (ex. Kantor Perikanan).

Hahu Kursu iha Fatin ne'ebe La Representante

SC hanesan negoiso ki'ik nebe hakarak kontribui mos ba nasaun ida ne'e liu husi aktividade Sosial ne'ebe komesa hahu ona. Agora dadauk SC fo serfisu ba Timor Oan nain 5 hodi sustenta ba sira nia Familia.

Aktifidade negoiso ne'ebe SC hala'o Hanesan : Studio Foto (Foto Kilat), Rental Computador, Print Documentus no Foto Copya. Ba Futuru SC fiar katak bele sai Negosio bo'ot no bele fasilita Distrito Dili laran tomak, hodi nune SC mos bele fo servisu ba maluk Joven Barak nebe mak sedauk iha servisu.

Maka ne'e deit ita nia hasoru malu, ba ita bo'ot sira nia visita, SC ho nia komponente tomak hato'o obrigado wain.